Hewlêr (Rûdaw) - Îstixbarata Supaya Pasdaran a li Tehranê ragihand ku 103 kes hatine girtin.
Tê îdiakirin ku wan kesan li ser navê Amerîka û Îsraîlê sîxurî kiriye û plana sabotajê li dijî binesaziyên krîtîk kiriye.
Yekîneya Îstixbaratê ya Supaya Pasdaran a Îranê, girêdayî alozî û pevçûnên ku li welêt didomin, bîlançoya operasyonên xwe yên li Tehranê eşkere kir.
Di daxuyaniya fermî ya ku îro hat weşandin de hat diyarkirin ku di operasyonên li hemberî "hêmanên dijmin" de bi giştî 103 kes hatine desteserkirin.
Plana sabotajê ya li dijî binesaziya krîtîk
Yekîneya Yekîneya Îstixbaratê ya Supaya Pasdaran ragihand ku pêwendiya gumanbarên girtî bi servîsên îstixbaratê yên Amerîka û Îsraîlê re heye.
Li gorî daxuyaniyê di nav kesên hatine girtin de şaneyeke ji 4 kesan pêk tê jî heye.
Hat îdiakirin wê şaneyê amadehiya sabotajê li dijî şebekeya karebayê û binesaziya enerjiya stratejîk a Tehranê dikir.
Her wiha hat ragihandin ku grûpeke din a ji 4 kesan ku tê gotin pêwendiya wan bi komên "alîgirên monarşiyê" re heye, bi tohmeta derxistina kaos û aramiya civakî ya li kolanan hatiye desteserkirin.