Hewlêr (Rûdaw) - Heyva Sor a Îranê ragihand ku bi dronan êrişî depoyeke alîkariyê ya li parêzgeha Bûşehrê ya li başûrê Îranê hatiye kirin û di encamê de zerereke mezin çêbûye.
Heyva Sor a Îranê di daxuyaniyekê de belav kir ku destê sibehê derdora saet 05:00an, bi dronan êrişî depoyeke wan a alîkariyê ya li herêma Çexadekê ya parêzgeha Bûşehrê hatiye kirin.
Di encama wê êrişê de zerer gihîştiye amûr û keresteyên nav depoyê.
Heyva Sor a Îranê da zanîn ku di êrişê de du konteynerên alîkariyê, otobusek û otomobîleke alîkariyê bi temamî ji hev ketine.