Hewlêr (Rûdaw) - JD Vance ragihand ku dan û standinên wan ên bi Îranê re yên li Îslamabada paytexta Pakistanê di gihîştina peymanekê de têk çûne.
Cîgirê Serokê Amerîkayê JD Vance diyar kir ku ew dê ji Pakistanê derkeve lê wan "pêşniyara xwe ya herî baş û ya dawî" daniye ber Tehranê.
Daxuyaniyên Vance nîşan didin ku ew hîn jî demê dide Îranê ku li ser pêşniyara Amerîkayê bifikire.
Washingtonê roja sêşemê ragihandibû ku ew dê ji bo du hefteyan êrişên xwe yên hevbeş ên li gel Îsraîlê yên li Îranê rawestînin ku derfetê bidin dîplomasiyê.
Piştî çend demjimêrên dan û standinên berfireh ên li paytexta Pakistanê, JD Vance di konferanseke rojnamegeriyê ya kurt de axivî û got:
"Em bi pêşniyareke gelekî sade ji vir derdikevin, şêwazeke lihevtêgihiştinê ku pêşniyara me ya herî baş û ya dawî ye.
Ka em bibînin gelo dê Îranî qebûl bikin yan na."
Pirsgirêka sereke: Çeka nukleer