Hewlêr (Rûdaw) - Serokê Amerîkayê Donald Trump da zanîn ku dibe ku heta înê derbarê destpêkirina dan û standinên aştiyê yên bi Îranê re "nûçeyên xweş" hebin.
Serokê Amerîkayê Donald Trump di daxuyaniyeke taybet de ji rojnameya New York Postê re axivî.
Rojnameyê ji Trump pirsî ka gelo îhtîmala guherîneke erênî heye û Trump jî bersiv da, "Dibe ku hebe."
Trump her wiha got, "Dibe ku heta roja înê (24ê Nîsanê) em nûçeyên xweş ên derbarê gera nû ya dan û standinan de bibihîzin."
Çav li Îslamabadê ne
Li gorî çavkaniyên li Îslamabadê, îhtîmal heye ku di nav 36 heta 72 saetên bê de di pirsa dan û standinan de "werçerxaneke" çêbibe.
Trump sêşema borî ragihandibû ku ew dê agirbesta niha ya bi Îranê re dirêj bike heta ku serkirdayetiya dabeşbûyî ya Îranê bigihîje "pêşniyareke yekgirtî."
Serokê Amerîkayê her wiha gotibû ku dorpêça deryayî ya li ser benderên Îranê dê bidome.