Hewlêr (Rûdaw) - Li gorî lêkolîna Rûdawê, di çar rojên şerê Amerîka û Îsraîlê yê li dijî Îranê de, 20 caran êrişî Herêma Kurdistanê hatiye kirin û di êrişan de nêzîkî 100 dron û mûşek hatine bikaranîn
Hemû êriş li parêzgeha Hewlêrê bûn û tenê êrişek li parêzgeha Dihokê pêk hat.
Parêzgarê Hewlêrê got, "Di êrişan de nêzîkî 100 dron û mûşek hatine bikaranîn."
Xelkê cîhanê sibehê 28ê Sibatê bi êrişa Amerîka û Îsraîlê ya li dijî Îranê şiyar bû û niha şer di roja çarem de berdewam dike.
Îran û komên çekdar ên nêzîkî wî welatî yên li Îraqê, bi hinceta hebûna hêzên Amerîkayê li Herêma Kurdistanê bi dron û mûşekan êriş kiriye bi taybetî êrişî Hewlêrê hatiye kirin.
Li gorî lêkolîna Rûdawê, çar rojên şer ji 28ê Sibatê heta demjimêr 12:00ê îro, piraniya Balafirgeha Navneteweyî ya Hewlêrê bûye hedefa êrişan ku dikeve navenda bajêr, piştre navçeya Koyeyê di rêza duyem û navçeya Herîrê di rêza sêyem de ne.
Êrişa yekem çend demjimêran piştî destpêkirina şer 28ê Sibatê bi dronan li Balafirgeha Navneteweyî ya Hewlêrê hat kirin ku beşekî balafirgehê Koalîsyon û hêzên Amerîkayê lê ne.
#VÎDEO - Ev der navenda Hewlêrê ye... Pergala parastina asmanî bersivê dide mûşekên Îranê#Hewlêr #Israel #Iran #Tahran #USA #طهران #تل_أبيب pic.twitter.com/eo5yc1DcLW
— RudawKurdi (@RudawKurdi) February 28, 2026
Di êrişa dronan a roja yekem a şer de ku dengê wê yê bilind şêniyên bajêr hejand, dûmanê asmanê bajêr girt û çend dron ji aliyê sîstema parastina asmanî ya Amerîkayê ve ku li balafirgehê hatiye bicihkirin, hatin xistin.
Piştî nîvroya heman rojê, careke din bi dronan êrişî Balafirgeha Navneteweyî ya Hewlêrê hat kirin û sîstema berevaniyê ya balafirgehê êriş bêbandor kirin.
Li gorî zanyariyên Rûdawê, roja yekem a şer 6 caran êrişî baregeha Amerîkayê ya li Hewlêrê hatiye kirin û 27 dron hatine bikaranîn ku piraniya wan li asmanan hatine xistin.
#VÎDEO - Ev der Hewlêr e... Pergala parastinê ya Konsulxaneya Amerîkayê mûşekekê dixe xwarê#Israel #Iran #Tahran #USA #طهران #تل_أبيب #Hewlêr pic.twitter.com/S8gvA8nMbk
— RudawKurdi (@RudawKurdi) February 28, 2026
Roja duyem a şer
Êrişên li dijî Herêma Kurdistanê ku Îran dibêje li dijî baregehên Amerîkayê yên li herêmê ne, di roja duyem a şer de jî berdewam kirin.
Roja 1ê Adarê, heta beriya demjimêr 09:00ê sibehê 4 caran êrişî sînorê parêzgeha Hewlêrê hat kirin, du ji wan li dijî Balafirgeha Navneteweyî ya Hewlêrê û du jî li dijî balafirgeha navçeya Herîrê ya parêzgeha Hewlêrê bûn.
Qaymeqamê Herîrê Şêrwan Celal ji Rûdawê re got, "Êrişa yekem demjimêr 04:43yê sibeha yekşemê bû û êrişa duyem jî demjimêr 08:15an bû."
Qaymeqamê Herîrê got, êriş bi hinceta hebûna hêzên Amerîkayê li Balafirgeha Herîrê hatine kirin lê "ti hêzên wan li wê derê nîne. Bombebaran jî bê ziyan bû."
#VÎDEO - Ev drona Îranê li gundê Girdeçalê yê Hewlêrê ketiye xwarê#Israel #Iran #Tahran #Trump #طهران #تل_أبيب pic.twitter.com/Z67tV6zQ9A
— RudawKurdi (@RudawKurdi) March 1, 2026
Êrişên li dijî Balafirgeha Navneteweyî ya Hewlêrê berdewam kirin, 1ê Adarê roja duyem a şer nêzîkî demjimêr 02:00ê piştî nîvro, êrişa pêncemîn di heman rojê de li dijî balafirgehê bi du dronan hat kirin.
Her 1ê Adarê, nêzîkî demjimêr 10:00ê şevê, bi sê dronan êrişî Balafirgeha Navneteweyî ya Hewlêrê hat kirin lê her sê jî li asman ji aliyê berevaniya asmanî ve hatin
#VÎDEO - Ji nêzîkî Balafirgeha Hewlêrê dûmaneke reş bilind dibe
— RudawKurdi (@RudawKurdi) March 1, 2026
🛑 Dengê teqînekê hatiye bihîstin #Hewlêr #Israel #Iran #Tahran #Trump #طهران #تل_أبيب #Khamenei #خامنئي pic.twitter.com/SvMS7fzKlD
Heman rojê bi mûşek êrişî navçeya Koyeyê ya parêzgeha Hewlêrê hatin kirin.
Qaymeqamê Koyeyê Tariq Heyderî ji Rûdawê re got, "Êriş demjimêr 08:10ê êvarê hat kirin, her du mûşek li asmanê Koyeyê hatin teqandin."
Êvara 1ê Adarê baregeha Firqeya 11an a Hêzên Pêşmerge li nêzîkî nahiyeya Dêgeleyê bi droneke bombekirî rastî êrişê hat.
Wezareta Pêşmerge ragihand ku ew êriş "kiryareke têkderane" bûye û hewlek e ji bo aloztirina rewşa navçeyê û derxistina tevliheviyê.
#VÎDEO - Li nêzikî komelgeha Pîrzînê ya Hewlêrê dronek hat xistin pic.twitter.com/8I5NEB5eAT
— RudawKurdi (@RudawKurdi) March 2, 2026
Roja sêyem a şer
Roja sêyem a şer her di berê sibehê de şêniyên navenda bajarê Hewlêrê bi dengê teqîna bilind ji xew şiyar bûn.
2yê Adarê Supaya Pasdaran a Îranê ragihand ku bi rêya sê dronan baregeha Amerîkayê ya li Balafirgeha Navneteweyî ya Hewlêrê kirine armanc.
Li gorî vîdeoyên ku ji Rûdawê re hatine şandin, dron li asmanan ji aliyê sîstema parastinê ya hêzên Amerîkayê ve hatine têkbirin.
Her wiha nêzîkî demjimêr 08:00ê şeva borî, careke din bi dronan êrişî Balafirgeha Navneteweyî ya Hewlêrê hat kirin.
#VÎDEO Dîmenê beriya demeke kurt ê derdora Balafirgeha Hewlêrê
— RudawKurdi (@RudawKurdi) March 1, 2026
🔴 Di dîmenan de xuya dibe ku parçeyên droneyê li erdê dikevin#Israel #Iran #Tahran #Trump #طهران #تل_أبيب pic.twitter.com/hoSfON6a7L
Roja çarem a şer
Di roja çarem a şer de, berê sibehê du caran bi dronan êrişî Balafirgeha Navneteweyî ya Hewlêrê hat kirin û sîstema parastina asmanî bersiva êrişê da.