Hewlêr (Rûdaw) - Konsulxaneya Îranê ya Hewlêrê ragihand ku ew ji bo xebera diltezîn a şehîdketina hejmarek welatiyên sivîl û bêguneh ên Herêma Kurdistanê xemgîn in.
Ev daxuyaniya konsulxaneyê piştî wê yekê hat ku saet 00:15ê berê sibehê 7ê Nîsana 2026an, dronek li maleke gundê Zergezewiya nêzîkî Hewlêrê ket.
Di encama vê êrişê de jin û mêrek di xew de şehîd ketin. Konsulxaneya Giştî ya Îranê sersaxî da malbatên şehîdan, xelkê Kurdistanê û hikûmetê û ev rûdan şermezar kir.
Konsulxaneyê her wiha hêvî kir ku careke din aştî û asayîş vegere herêmê û pêkvejiyaneke aştiyane di navbera gelan de pêk were.
Mesrûr Barzanî: Ewên destê wan bi xwîna me sor be dê bigihin cezayê xwe
Serokwezîrê Herêma Kurdistanê Mesrûr Barzanî îro beşdarî taziya Mûsa û Mijdeyê bû ku di êrişa dronê ya îro de şehîd ketibûn.