Hewlêr (Rûdaw) - Li Amedê 7 kes bi tohmeta ku li ser
navê DAIŞê çalakî kirine dihatin darizandin.
Di nav wan tometbaran de Osman Akinê bi nasnavê “Mamoste El
Kurdî” jî hebû.
Ji bo her 7 tometbaran biryara beraetê hat dayîn.
Doz li Dadgeha Cezayê Giran a Amedê hat dîtin.
Tê îdiakirin ku Osman Akin berpirsê DAIŞê yê Tirkiyeyê ye.
Rûniştina ku Osman Akin jî di nav de bû serê sibehê dest pê
kir.
Tometbar Osman Akin di parastina xwe de got ku kovara bi
navê “Ahlak ve Sünnet” (Exlaq û Sinet) qanûnî ye.
Dozger biryar bir Dadgeha Îstinafê
Dozger di mutalaya xwe de bal kişand ser raporên MASAKê ku
liv û tevgera pereyan a tometbaran tesbît kiriye.
Dozger xwest ku her 7 tometbar ji ber sûcên "endamtiya
rêxistina çekdarî" û "binpêkirina qanûna fînansekirina terorê"
werin cezakirin.