Mehmet Edîp Taşar / Wêne: Ajans
Hewlêr (Rûdaw) - Girtiyê nexweş Mehmet Edîp Taşar 21 roj bûn li nexweşxaneyeke Stenbolê dihat dermankirin.
Mehmet Edîp Taşar îro canê xwe ji dest da.
Mehmet Edîp Taşarê 70 salî, ji 3yê Adarê ve dihat dermankirin.
Ew li Nexweşxaneya Dewletê ya Sîlîvriyê dima.
Taşar îro li heman nexweşxaneyê canê xwe ji dest da.
Malbata wî dê cenaze bibe Êlihê
Cenazeyê Mehmet Edîp Taşar dê ji nexweşxaneyê bê wergirtin.
Hat zanîn ku piştî wergirtinê, malbata wî dê cenazeyê bibe Êlihê.
Taşar li Girtîgeha Tîpa Lyê ya Hejmara 5an a Marmarayê (Silîvriyê) dima.
Ew di lîsteya girtiyên nexweş ên rewşa wan giran de bû.
Rêxistinên hiqûqê û mafên mirovan gelek caran ji bo Taşar bangî rayedaran kiribû ku ew bê berdan.
