Hewlêr (Rûdaw) - Şerê di navbera Amerîka-Îsraîlê û Îranê de ketiye roja xwe ya 14an.
Di 24 saetên dawî de êrişên asmanî û mûşekî yên li ser Tehranê û çend parêzgehên din ên Îranê bê navber berdewam dikin.
Tehran di bin bombebaranê de
Doh li gelek taxên Tehranê dengê teqînên bihêz hatin bihîstin.
Li gorî zanyariyan, li otobana Çamranê bi dronekê êrişî otomobîlekê hat kirin û kesên di otomobîlê de canê xwe ji dest da lê hîn nasnameya wan nehatiye eşkerekirin.
Her wiha pergala parastina asmanî ya li nêzîkî tesîsa nukleer a Emîrabadê ya li Tehranê çalak bû.
Îsraîlê ragihand ku wan careke din avahiya Radyo û Televîzyona Îranê (IRIB) kiriye armanc.
Deverên pîşesaziyê ya Hekîmiyeyê ya rojhilatê Tehranê û taxên Fekûrî, Şehriyâr, Endîşe, Kerec, Ezîmiye, Cîhanşîr, Germdere, Dewletabad, Qarçek, Risalet û Parçînê bi dijwarî hatin bombebarankirin.
Hat piştrastkirin ku li Şehriyârê êrişî baregeha "Emîr el-Mûmînîn" a Besîcên Supaya Pasdaran hatiye kirin.
Amerîka û Îsraîlê saet 03:00ê sibeha pêncşemê êrişî tesîsa nukleer a "Talekan 2"yê ya li kompleksa leşkerî ya Parçînê ya Tehranê kir.
Tê gotin ku êriş bi bombeyên "GBU-57ê yên ku erdê qul dikin hatiye kirin.
Êrişên li parêzgehên din
Rezewî Xorasan
Li nêzîkî çiyayên Helecê yên Meşhedê dengê teqînên bihêz hatin bihîstin.
Tê gotin êrişî baregeheke mûşekan hatiye kirin.
Baregehên Sûpaya Pasdaran û polîsan ên li Meşhedê jî hatin armanckirin.
Bûşehr