Hewlêr (Rûdaw) - Serokê Parlamentoya Tirkiyeyê Numan Kurtulmuş, li gel endamên Heyeta Îmraliyê ya DEM Partiyê Pervîn Buldan û Mithat Sancar civiya.
Numan Kurtulmuş, li avahiya parlamentoyê Heyeta Îmraliyê ya Partiya Gelan a Wekhevî û Demokrasiyê (DEM Partî) pêşwazî kir.
Li gorî daxuyaniya fermî, ev hevdîtin ji bo çapemeniyê girtî hate kirin.
Derbarê naveroka civînê de zanyariyên fermî nehatin belavkirin lê parlamentoyê wêneyekî hevdîtinê li ser medyaya civakî parve kir.