Hewlêr (Rûdaw) - Li navçeya Kuçukçekmeceyê ya Stenbolê, li seyraneke ku bi wesîleya rojbûna Rêberê PKKyê Abdullah Ocalan hatibû organîzekirin, aktîvîsta Tevgera Jinên Azad (TJA) Sebahat Tuncel jî di nav de 4 kes hatin desteserkirin.
Platforma Saziyên Demokratîk bi helkefta rojbûna 77an a Ocalan, li berava deryayê yê Kanaryayê seyranek li dar xist.
Li gorî nûçeya Ajansa Mezopotamyayê (MA), ji berê sibehê ve gelek jin, zarok û ciwan ji bo seyranê çûn berava deryayê.
Midaxeleyî sifreyan kirin
Tevî dorpêça polîsan jî welatiyan li berava deryayê sifreyên xwe danîn.