Hewlêr (Rûdaw) - Endamê Fermandariya Giştî ya Hêzên Sûriyeya Demokratîk (HSD) Sîpan Hemo bû Alîkarê Wezîrê Parastinê yê Sûriyeyê yê herêma Rojhilat.
Ajansa nûçeyan a fermî ya Sûriyeyê (SANA) ragihand ku Endamê Fermandariya Giştî yê Hêzên Sûriyeya Demokratîk (HSD) Sîpan Hemo, wekî Alîkarê Wezîrê Parastinê yê Sûriyeyê yê Berpirsê Herêma Rojhilatê (Rojava/Bakur û Rojhilatê Sûriyeyê) hatiye destnîşankirin.
Wezareta Parastinê ya Sûriyeyê di daxuyaniya xwe ya ji bo televîzyona dewletê de ev agahî parve kir:
"Sîpan Hemo, wekî Alîkarê Wezîrê Parastinê yê Berpirsê Herêma Rojhilatê hatiye destnîşankirin."
Sîpan Hemoyê ku berê di heyeta dan û standinan a di navbera HSD û Şamê de cih girtibû, wekî yek ji fermandarên herî diyar ên Yekîneyên Parastina Gel (YPG) tê naskirin ku stûna sereke ya HSDyê ye.
Peymana 29ê Kanûna Paşîn û pêvajoya tevlîbûnê
Ev destnîşankirin, wekî beşek ji pêvajoya tevlîbûnê ya di navbera HSD û birêvebiriya Şamê de tê nirxandin.