Hewlêr (Rûdaw) - Çînê ragihand ku ew agirbesta du hefteyî ya di navbera Amerîka û Îranê de ku bi navbeynkariya Pakistanê pêk hatiye, bi kêfxweşî pêşwazî dike.
Lê belê Pekînê îdiayên li ser piştgiriya xwe ya rasterast a ji bo pêvajoya agirbestê piştrast nekirin.
Berdevka Wezareta Karên Derve ya Çînê Mao Nîngê li Pekînê di konferanseke rojnamegeriyê de diyar kir ku welatê wê ji destpêka krîzê ve agirbestê û çareserkirina nakokiyan a bi rêyên siyasî diparêze.
Mao Nîngê bersiv da pirsa "Gelo Çînê di pêvajoya agirbestê ya bi navbeynkariya Pakistanê de rasterast pêwendî bi ti aliyan re daniye û pêşniyar pêşkêş kirine an na?"
Mao Nîngê xwe ji piştrastkirina destwerdana rasterast a Çînê dûr xist û got:
"Çîn ji bo dabînkirina aramiya demdirêj a li Kendav û Rojhilata Navîn, her ji destpêkê ve agirbestê û çareseriya siyasî diparêze û di vî alî de dixebite."