Li Çomanê 2 dron ketin / Wêne: Rûdaw
Hewlêr (Rûdaw) - Li bajarokê Çomanê yê Hewlêrê 2 dron ketin, yek ji wan li nêzîkî Saziya Çavdêriya Civakî ketiye û xisar gihandiye avahiyê
Qaymeqamê Çomanê Ehmed Barzan ji Rûdawê re ragihand:
"2 dron ketine xwarê. Yek jê li nêzîkî avahiya Çavdêriya Civakî û ya din jî li nêzîkî apartmanên gundê Werdeyê ket xwarê.
Tiştek bi kesî nehatiye lê ziyana madî gihiştiye avahiya çavdêriya civakî."
Şeva pêncşemê dronek li bajarê Soranê jî ketibû xwarê û di encamê de 2 kes birîndar bûbûn.
Drona îro ya Çomanê cihê xwe kûr kiriye û ziyan gihiştiye hewş û avahiya Çavdêriya Civakî ya bajêr.
Amerîka û Îsraîl ji 28ê Sibatê ve êrişî Îranê dikin û Îran jî bi armanckirina baregeh û berjewendiyên Amerîkayê yên li herêmê bersivê dide Amerîka û Îsraîlê.
Di wê demê de gelek dron ber bi Herêma Kurdistanê ve hatine şandin.
#VÎDEO - Li Çomanê 2 dron ketin
— RudawKurdi (@RudawKurdi) March 7, 2026
🛑 Li bajarokê Çomanê yê Hewlêrê 2 dron ketin, yek ji wan li nêzîkî Saziya Çavdêriya Civakî ketiye û xisar gihandiye avahiyê
📹Bextyar Qadir-Rûdaw pic.twitter.com/H5HpjLY3OJ
