Hewlêr (Rûdaw) - Rêya Colemêrgê û navçeya wê ya Çelê ji ber zinar, teht û latên ku ji çiya ketin hat girtin.
Li parêzgeha Colemêrgê ya Bakurê Kurdistanê çend roj in baraneke zêde dibare.
Şeva borî derdora saet 22:00yan li ser rêya Colemêrg û Çelê ji ber şiliya zêde lat, teht û zinar ji çiya ketin ser rê.
Welatiyê bi navê Zelal Açar bi kamyoneta xwe di nav lat û zinaran de ma.
Zelal Açar piştre dev ji kamyoneta xwe berda û xwe xelas kir.
Lat û zinarên ku ji çiya ketin zerareke zêde daye rê.