Otomobîlên ku li hev ketine /Wêne: AA
Hewlêr (Rûdaw) - Li parêzgeha Şirnexê ya Bakurê Kurdistanê 2 otomobîl li hev qelibîn û di bûyerê de 3 kes birîndar bûn.
Li gorî zanyariyan, li taxa Îsmet Paşayê ya navenda bajarê Şirnexê 2 otomobîl li hev qelibîn.
Di bûyerê li gel şofêrên her du otomobîlan zarokek 4 salî jî birîndar bû.
Li ser agahdarkirinê polîs û tîmên tenduristiyê çûn cihê bûyerê û birîndar rakirin Nexweşxaneya Dewletê ya Şirnexê.
Li aliyê din, zererek zêde ya madî jî gihişt herdû otomobîlan.
Rêya ku demekî ji çûn û hatinê re hatibû girtin, bi rakirina her du otomobîlan carek din hat vekirin.
