Cihê bûyerê / Wêne: Ji dîmenan hatiye girtin
Hewlêr (Rûdaw) - Baregeheke hêzên Heşdî Şebiyê ya li taxa Bedirê ya li bajarê Kerkûkê yê Başûrê Kurdistanê hat bombebarankirin.
Di êrişê de 3 kes hatin kuştin.
Peyamnêrê Rûdawê yê Kerkûkê Herdî Mihemed ragihand, baregeha Lîwaya Taybet a Heşdî Şebiyê hatiye armanckirin.
Li gorî zanyariyan, di encama wê bombebaranê de 3 kes mirine.
Peyamnêrê me piştrast kir ku ew yekîneya hatiye armanckirin ser bi Lîwaya 15an a Heşdî Şebiyê ve ye.
Heta niha derbarê wê yekê ti daxuyaniyên fermî nehatine dayîn û êriş ji aliyê kîjan alî ve û bi çi awayî hatiye kirin jî nayê zanîn.
#VÎDEO - Li Kerkûkê baregeheke Heşdî Şebiyê hat bombebarankirin pic.twitter.com/zx1jg4VdFW
— RudawKurdi (@RudawKurdi) March 11, 2026
