Hewlêr (Rûdaw) - Saziya Keşnasiyê ya Tirkiyeyê pêşbînî dike ku îro li 3 parêzgehên Bakurê Kurdistanê berf û li 21 parêzgehên din jî baran bibare.
Tê çaverêkirin ku ev rewşa hewayê sibe jî bidome.
Saziya Keşnasiyê ya Tirkiyeyê pêşbînî û daneyên rewşa hewayê yên li Tirkiyeyê û Bakurê Kurdistanê belav kirin.
Li gorî daxuyaniyê, îro dê li parêzgehên Erzirom, Erzingan û Qersê yên Bakurê Kurdistanê berf bibare.
Saziya Keşnasiyê her wiha da zanîn ku dê li wan 3 parêzgehên ku berf lê dibare pileyên germê dakevin.