Hewlêr (Rûdaw) - Partiyên Kurdistanî û şahsiyetên serbixwe bi daxuyaniyeke hevbeş, êrişên dewleta Îranê yên li ser Herêma Kurdistanê û Pêşmergeyên Rojhilatê Kurdistanê bi tundî şermezar kir û daxwaza rawestandina van êrişan kir.
"Şermezarkirina nêzîkatiya nexweşxane û mizgeftên Silêmaniyê"
Partiya Sosyalîst a kurdistanê (PSKk), Partiya Welatparêzên Kurdistanê (PWK) û Tevgera Vejînê ya Kurdistanê (Vejîn) di daxuyaniyê de amaje bi şehîdketina Pêşmergeyên Rojhilatê Kurdistanê kir û got:
“Di van êrişan de Pêşmergeyên wekî Xezal Mewlan, Nada Mîrî, Samîra Elayarî û Şahîn Azerberzîn şehîd ketine.
Mixabin, nexweşxaneyên Silêmaniyê pêşwazî li Xezal Mewlan a birîndar nekir û hin mizgeftan jî destûr neda ku termê wê were şûştin.”