Hewlêr (Rûdaw) - Li parêzgeha Hisîçayê ya Rojavayê Kurdistanê ji ber zîpikê zerer û ziyaneke mezin gihîşt zeviyên çandiniyê.
Çavkaniyên Rêveberiya Xweser ragihand ku ji ber guherînên tund ên avhewayê yên di 48 demjimêrên borî de, ziyaneke mezin gihîştiye zeviyên çandiniyê yên li gelek deverên çoltera Hisîçayê.
Li gorî çavkaniyên xwecihî, bahoza zîpikê li gundên navçeya Holê ya li rojhilatê çoltera Hisîçayê û her wiha li devereke berfireh a çoltera Dirbêsiyê ya li bakurrojavayê Hisîçayê daye.
Di encamê de ziyan gihîştiye bi sedan hektar zeviyên çandiniyê.
Li gorî agahiyan, ziyan bi taybetî gihîştiye zeviyên genim, ceh, kemûn û gijnîjê.