Hewlêr (Rûdaw) - Wezîrê Dadê yê Tirkiyeyê Akin Gurlek derbarê nûçeyên "li Îmraliyê ji bo Ocalan xanî tê çêkirin" got, "Tiştekî wiha nîne.”
Akin Gurlek beriya civîna koma AK Partiyê ya li Parlamentoya Tirkiyeyê pirsên rojnamegeran bersivandin.
Rojnamegeran li ser daxuyaniya Hevseroka Giştî ya DEM Partiyê Tulay Hatîmogullariyê ya "Li Îmraliyê ji bo Ocalan xanî tê çêkirin" pirsek kir.
Gurlek li ser vê mijarê wiha axivî:
"Tiştekî wiha nîne. Li wir kampuseke îdarî heye.
Ji ber ku kampuseke îdarî ye, dibe ku li gorî pêwîstiyê avahiyên nû tên çêkirin lê tiştekî wekî çêkirina xaniyekî taybet nîne."
Doz li Ozgur Ozel vekir
Rojnamegeran îdiayên Serokê Giştî yê CHPyê Ozgur Ozel ên derbarê qeydên tapuyan jî bi bîr xistin.