Hewlêr (Rûdaw) - Serokwezîrê Swêdê Ulf Krîstérsson ragihand ku piştî bûyereke li rawestgeheke otobusan a li navenda Stockholmê gelek kes mirine û birîndar bûne.
Krîstérsson li ser hesabê xwe yê Xê daxuyaniyek belav kir û got:
"Min nûçeya trajîk wergirt ku gelek kes li rawestgeheke otobusê ya li navenda Stockholmê mirine û birîndar bûne.”
Ulf Krîstérsson got, “Em hîn sedema vê yekê nizanin" û lê zêde kir ku ew "di serî de li kesên ku bandor li wan bûye û hezkiriyên wan difikire."
Krîstérsson got ku polîs, tîmên tenduristiyê û xizmetên rizgarkirinê "karekî gelekî zehmet û girîng" dikin û bangî gel kir ku rêz û têgihîştinê nîşanî xebata wan bidin.
Heta wekî vê kêlîkê li ser hejmara mirî û birîndaran ti agahî ninin.