Ahmet Yildiz / Wêne: Rûdaw
New York (Rûdaw) - Nûnerê Timî yê Tirkiyeyê yê Neteweyên Yekbûyî (NY) Balyoz Ahmet Yildiz, li New Yorkê pirsên Nûçegihanê Rûdawê bersivandin.
Yildiz diyar kir, hem ji bo ewlehiya enerjiya cîhanê û hem ji bo refaha gelê Îraqê gelekî girîng e ku çavkaniyên enerjiya Îraq û welatên herêmê bigihin bazarên cîhanê.
“Ji bo refaha gelê Îraqê şert e”
Balyoz Yildiz destnîşan kir ku di bipêşketina aboriya Îraqê de hinardekirina enerjiyê roleke bingehîn dilîze û wiha axivî:
"Hinardekirina çavkaniyên hîdrokarbonê yên ji Îraqê û welatên cîran û gihandina wan a bi welatê min û bazarên cîhanê, bi taybetî ji bo bipêşketina aborî û refaha gelê Îraqê esas e."
Yildiz eşkere kir ku petrol û gaza Îraqê ne tenê pêdiviyeke herêmî ye, ew pêdiviyeke cîhanî ye jî û li pey çû:
"Ev hinardekirin, ji aliyê ewlehiya enerjiya herêmê û cîhanê ve jî xwedî girîngiyeke mezin e.
Bi taybetî di van rojên ku bihayên enerjiyê bilind dibin de, dabînkirina bêkêmasî ya van çavkaniyan roleke krîtîk dilîze."
