Zêr / Wêne: Rûdaw
Hewlêr (Rûdaw) - Ev du hefte li pey hev in ku bihayê zêr dadikeve.
Roja înê bihayê onseke zêr ji sedî 0,6 daket û bi 5 hezar û 18 dolaran hat kirîn û firotin.
Bihabûna dolar û dilgiraniya ji enflasyonê ya ku ji ber bihabûna petrolê derketiye, zextê li bihayê zêr dikin.
Di nava hefteyekê de bihayê zêr ji sedî 2 daketiye.
"Şerê Îranê zerer da bihayê zêr"
Analîstê serbixwe yê bazarên darayî Tai Wong li ser mijarê axivî û got:
"Her çi qasî di demeke dirêj de arasteya bihayê zêr ber bi bilindbûnê ve be jî derketina şerê Îranê bihayê dolarî derxistiye asta herî bilind a 4 mehên dawî. Vê yekê jî zerer daye bihayê zêr."
Pisporên Banka Bazirganiyê ya Almanyayê jî ragihand:
"Bendewariya hişkkirina polîtîkaya diravî ya ji bo kontrolkirina enflasyonê, sedema sereke ya daketina bihayê zêr e."
