Hola daxuyaniyan a Wezareta Karên Derve ya Çînê / Wêne: Rûdaw
Hewlêr (Rûdaw) - Wezareta Karên Derve ya Çînê Serokwezîrê nû yê Îraqê Elî Zeydî pîroz kir û bal kişand ser kûrkirina pêwendiyên dualî yên Pekîn û Bexdayê.
Wezareta Karên Derve ya Çînê ji Birêvebirê Ofîsa Rûdawê ya Pekînê Mehdî Ferec re ragihand:
"Çîn Birêz Elî Zeydî pîroz dike ku wekî Serokwezîrê nû yê Îraqê hatiye destnîşankirin.
Çînê her tim girîngiyeke mezin daye bipêşxistina pêwendiyên xwe yên li gel Îraqê."
Armancên qonaxa nû
Li gorî daxuyaniya Wezareta Karên Derve ya Çînê, çavê Pekînê li wê yekê ye ku di qonaxa bê de li ser çend xalên sereke bixebite.
Di nav wan de "kûrkirina dostaniya dîrokî, xurtkirina baweriya siyasî û firehkirina hevkariyên di warên enerjî, bazirganî û binesaziyê de" hene.
Her wiha Wezareta Karên Derve ya Çînê destnîşan kir ku ew dixwazin li gel hikûmeta nû ya Îraqê ji bo "xurtkirina dan û standina çandî û bipêşxistina berdewam a pêwendiyê Çîn û Îraqê" bixebitin.
