Hewlêr (Rûdaw) - Wezareta Pêşmergeyan ragihand ku gotegotên rawestandina alîkariyên Amerîkayê yên ji bo Pêşmergeyan bêbingeh in.
Wezaretê diyar kir ku pêvajoya piştgiriyê li gorî têgihiştina hevbeş a di navbera Wezareta Parastinê ya Amerîkayê û Wezareta Pêşmergeyan de didome.
"Gotegot bêbingeh in"
Wezareta Pêşmergeyan daxuyaniyak belav kir.
Wezaretê di daxuyaniyê de got, "Çend roj in gotegotên wê yekê tên belavkirin ku qaşo alîkariyên Amerîkayê yên ji bo Pêşmergeyan hatine rawestandin. Ev gotegot bêbingeh in.
Pêvajoya piştgiriyê li gorî wê têgihiştina hevbeş a di navbera Wezareta Parastinê ya Amerîkayê û Wezareta Pêşmergeyan de didome.
Ev têgihiştin ji bo serxistina pêvajoya çaksaziyê û yekkirina Hêzên Pêşmerge hatiye îmzekirin."
Wezaretê di daxuyaniya xwe de amaje bi wê yekê jî kir, "Tenê alîkariyên ji bo şerê li dijî terorîstên DAIŞê sekinîne.
Sedema vê jî sînordarbûn û kêmbûna çalakiyên terorîstên DAIŞê ye."
Dan û standin dê dest pê bikin
Wezaretê qala wê yekê jî kir ku alîkariyên darayî û lojîstîkî yên Amerîkayê li gorî nexşeyeke demkî hatine rêkxistin.