Hewlêr (Rûdaw) - Meclisa Giştî ya Partiya Yekîtiya Demokratîk (PYD) li ser rakirina zimanê Kurdî ji tabelayan daxuyaniyek belav kir.
PYDyê diyar kir ku nivîsandina tabelayan a bi zimanê Kurdî serweriya Sûriyeyê xurtir dike.
Meclisa Giştî ya PYDyê îro li ser nenivîsandina zimanê Kurdî li ser tabelayan helwesta xwe anî zimên.
"Li dijî peymanan e"
PYDyê di daxuyaniyê de qala tabelaya Koşka Dadweriyê kir û got:
"Nenivîsandina zimanê Kurdî li ser tabelaya Koşka Dadweriyê ne li gorî naveroka peymanan e.
Ev yek ne li gorî rêya entegrasyona neteweyî ye jî."
PYDyê destnîşan kir ku zimanê Kurdî serweriya welêt kêm nake û wiha pê de çû:
"Em bi navê Meclisa Giştî ya PYDyê piştrast dikin ku nivîsandina tabelayan a bi zimanê Kurdî tê wateya xurtkirina serweriya Sûriyeyê.