Hewlêr (Rûdaw) - Balyozê Îsraîlê yê Amerîkayê Michael Leiter ragihand ku welatê wî û hevalbendên wê ti planeke wan a ji bo şandina hêza bejayî ya ji bo nav Îranê nîne.
Michael Leiter diyar kir ku ew di wê baweriyê de ne ku rêya herî baş a ji bo guherîna pergalê û bidawîkirina şer, pişthibestina bi hêzeke navxwe ya Îranî ye da ku rê li ber serhildan û rûxandina desthilatê vebe.
Balyozê Îsraîlê yê Washingtonê li gel kanala CNNê axivî û diyar kir ku ew şandina leşkeran a ji bo Îranê ne baş dibînin.
Leiter di berdewamiyê jî de got, "Ew hêza ku herê wê derê, divê Îranî be. Ez bawer dikim ew hêz niha di rê de ye."
Balyozê Amerîkayê her wiha eşkere nekir ka mebesta wî kîjan hêz e.
Michael Leiter di wê baweriyê de ye ku berdewamiya êrişên asmanî yên li ser Îranê dê bibe sedem ku serkirdayetiya Tehranê ew qasî qels bibe ku serhildaneke navxwe çêbibe.