Hewlêr (Rûdaw) - Wezareta Tenduristiyê ya Îsraîlê îro daxuyaniyek da û bîlançoya êrişên Îranê eşkere kir.
Wezaretê ragihand ku ji dawiya meha borî ve di êrişên bi mûşekan ên Îranê de 4 hezar û 713 kes birîndar bûne.
Rewşa birîndaran
Di daxuyaniyê de hat diyarkirin ku 123 kes hîn jî li nexweşxaneyan in û rewşa 15 kesan giran e.
Wezaretê her wiha eşkere kir ku di 24 demjimêrên borî de 153 kes birîndar bûne.
Ew di êrişên Îranê de birîndar bûne û rewşa du kesan ji wan giran e.
Li hêla din, Enstîtuya Lêkolînên Ewlehiya Neteweyî ya Îsraîlê amarên nû belav kirin.
Li gorî amaran, ji destpêka şer ve herî kêm 18 Îsraîlî hatine kuştin.
Şer û berfirehbûna şer
Amerîka û Îsraîlê 28ê Sibatê bi hev re êrişî Îranê kir. Ji wê rojê ve aloziya li herêmê didome.
Di êrişan de heta niha li Îranê zêdetirî hezar û 340 kesan hatine kuştin û Rêberê Îranê Elî Xamineyî jî di nav wan kuştiyan de bû.
Îranê jî wekî tolhildanê bi dron û mûşekan dest bi êrişan kir.
Îranê hem êrişî Îsraîlê kir û hem jî êrişî Urdin, Îraq û welatên Kendavê jî kir ku baregehên Amerîkayê li wan hene.
Van êrişan ziyanên canî û rûxandina binesaziyê bi xwe re anîn û şer bandoreke xerab li bazarên cîhanê û geştên asmanî jî kir.
