Hewlêr (Rûdaw) - Serokkomarê Tirkiyeyê Recep Tayyîp Erdogan derbarê pêvajoya nû got, “Kî piştgiriyê bide pêvajoyê dê navê xwe li dîrokê binivîse”
Recep Tayyîp Erdogan derbarê pêvajoya nû axivî û destnîşan kir ku divê ew wekî dîwarekî bi hev ve werin girêdan.
Erdogan got, "Lêgerîna ewlehiya hevpar a Tirkiyeyê ya li herêmê, bêyî cudakariya Kurd, Ereb, Tirkmen û Farisan polîtîkayeke wisa ye ku divê were piştgirîkirin.
Çawa ku goşt û neynûk ji hev venaqetin, ti kes nikare me û birayên me yên ku em hezar sal in bi hev re dijîn jî ji hev veqetîne.
Li dijî wan kesên ku hewl didin nifaqê bixin nava me, em dê sirûdên xwe yên serkeftinê bi stranên xwe yên biratiyê bibêjin."
Erdogan bal kişand ser salvegera 25emîn a AK Partiyê û got:
"Dema ku em nêzîkî salvegera 25emîn a damezirandina partiya xwe dibin, em bi siyaseta xwe ya xizmet û berheman bi can û dil dixebitin.
Ji bo projeya 500 hezar xaniyan 8 milyon welatiyan serî lê da.
Armanca me ew e ku em xaniyên xwe bi lez ava bikin û radest bikin.
Bi îzna Xwedê em dê ji Adara 2027an pê ve xaniyên xwe qonax bi qonax radest bikin."
“Pêvajo wekî ku tê xwestin didome”
Erdogan derbarê pêvajoyê jî wiha got:
"Bi pesendkirina rapora komîsyonê re, em gihîştin qonaxeke gelekî hestiyartir.