Hewlêr (Rûdaw) - Li navçeya Bandirmayê ya parêzgeha Balikesîrê ya Tirkiyeyê otobuseke rêwiyan ji rê derket û wergeriya.
Di qezayê de 3 kes mirin û 30 kes jî birîndar bûn.
Otobusa rêwiyan a şirketa Pamukkaleyê ku ji Tekîrdagê ber bi Muglayê ve diçû, li navçeya Bandirmayê wergeriya.
Di qezayê de rêwiyên bi navên Nazîre Akova, Elîf Kel û Kemal Can Sert mirin û 30 kes jî birîndar bûn.
Piştî agahdarkirinê, tîmên tenduristiyê, tîmên parastina sivîlan û polîs çûn cihê bûyerê.
Tîmên tenduristiyê birîndar veguhastin nexweşxaneyên cuda.