Jinên Dêrsimî li ber Munzurê bi pîlatesê xwe ji stresê dûr dixin

Dêrsim (Rûdaw) - Li Dêrsima Bakurê Kurdistanê jin li ber Çemê Munzûrê li hev kom dibin û medîtasyon û pîlatesê dikin.

Jinên ku dixwazin bi stresa zêde re serî derxin, li atmosfera xwezayî ya Geliyê Munzurê bi werzîşên nefesê, tevgerên rakişandinê û medîtasyonê hewl didin ku rihet bibin.

Dengê avê, hewaya paqij û têkiliya bi xwezayê re aramiyê dide beşdaran.

Jinên ku ev pênc sal in li Dêrsimê li xwezayê pîlatesê dikin, diyar dikin ku ev çalakî hem ji wan re û hem jî ji zarokên wan re baş tê.

"Jin ji sibê heta êvarê li malê rûdinin"

Rahênera Pîlatesê Çîlek Karakayayê armanca çalakiyê wiha anî ziman:

"Jin ji sibê heta êvarê li malê rûdinin. Paşê neçar dimînin ku biçin cem bijîşk.

Bijîşk dibêjin 'bigerin, sporê bikin' lê jinên me di vî warî de nezan in.

Îro em hatin ber Munzurê; me destên xwe ber bi Munzur Baba ve vekir û me got, 'Vê nexweşiyê ji me dûr bixe, tenduristiyê bide me.'"

"Ji aliyê derûnî ve rihet bûn"

Yek ji beşdaran Pinar Ergunê diyar kir ku çalakî jê re baş hatiye û got:

"Min stresa xwe avêt, min xwe azadtir hîs kir. Xwezaya Dêrsimê gelekî xweş e, derdor gelekî aram bû.