Hewlêr (Rûdaw) - Li parêzgeha Dîlokê di qezayeke trafîkê de 5 kesan canê xwe ji dest da û 5 jê giran 17 jî kes birîndar bûn.
Li taxa Sakçagozuyê ya navçeya Nurdaxê ya parêzgeha Dîlokê ya Bakurê Kurdistanê li ser rêya sereke ya D-400 a Dîlok-Nurdaxê qezayek çêbû.
Li gorî zanyariyan barhilgirek li 2 mînîbûs û otomobîleke ku li ber çirayên trafîkê rawestiyabûn qelibî.
Di bûyerê de 5 kesan canê xwe ji dest da û 17 kes jî birîndar bûn.
Li ser agahdarkirinê tîmên tenduristiyê û parastina sivîlan çûn cihê bûyerê û birîndar birin nexweşxaneyan.
Hat ragihandin ku rewşa 5 birîndaran giran e.
Parêzgarê Dîlokê Kemal Çeber jî li ser bûyerê daxuyaniyek belav kir û got:
“Li taxa Sakçagozuyê ya navçeya me ya Nurdaxê, li ser rêya D-400 frenên barhilgirekê teqiyan û li 3 otomobîlên ku li ber çirayên trafîkê rawestiyabûn qelibî.
Mixabin di encama bûyerê de 5 welatiyên me canê xwe ji dest da. 17 welatiyên me jî birîndar bûn. Rê li trafîkê hatiye girtin û tîmên me li cihê bûyerê tedbîrên pêwîst wergirtine.”