Hewlêr (Rûdaw) - Televîzyona dewletê ya Îranê ragihand ku wan bi armanca "hişyariyê" bi mûşek û dronan êrişî derdora keştiyên şer ên Amerîkayê kiriye.
Hat diyarkirin ku ev keştiyên Amerîkayê di Tengava Hurmizê re derbas dibûn.
Li gorî nûçeyên medyaya Îranê, hêzên deryayî yên Îranê keştiyên şer ên Amerîkayê li Tengava Hurmizê tesbît kirine.
Hat ragihandin ku hêzên Îranê guleyên hişyariyê berdane wan keştiyan.
Di nûçeyê de wiha hat gotin:
"Keştiyên Amerîkayê guh nedan hişyariyên destpêkê. Piştî vê yekê mûşekên kruzê, roket û dronên şer ber bi derdora wan keştiyan ve hatin avêtin."
"Projeya Azadiyê"
Ev rûdan piştî daxuyaniya Serokê Amerîkayê Donald Trump pêk hatin.
Trump ragihandibû ku wan ji bo alîkariya keştiyên bazirganiyê yên ku li Tengava Hurmizê asê mane operasyonek daye destpêkirin.
Navê vê operasyonê "Projeya Azadiyê" (Project Freedom) ye.
Trump li ser platforma xwe ya medyaya civakî Truth Socialê daxuyaniyek da.
Trump destnîşan kir ku wan garantî daye welatên pêwendîdar ku ew dê keştiyan bi silametî ji herêmê derxînin.