Hewlêr (Rûdaw) - Şandeya Dayîkên Aşitiyê ji ber Roja Dayîkan bi armanca "gihandina daxwazên aştî û biratiyê" dê navendên giştî yên partiyên siyasî ziyaret bike.
Li gorî daxuyaniya Buroya Çapemeniyê ya DEM Partiyê, Berdevka Partiyê Ayşegul Dogan û Parlamenter Adalet Kaya dê li gel şandeya Dayîkên Aşitiyê bin.
Şande dê sibê û roja înê çend partiyên siyasî ziyaret bike.
Serdana ewil ji bo MHPyê ye
Şandeya Dayîkên Aşitiyê dê bernameya xwe ya ziyaretan a sibê (7ê Gulanê) saet 12:30î bi ziyareta MHPyê dest pê bike.
Hat ragihandin ku şande dê li Parlamentoya Tirkiyeyê bi Alîkarên Serokê Koma MHPyê Filiz Kılıç û Erkan Akçay re bicive.