رووداو دیجیتاڵ
بارسێلۆنا یاریی دێربیی کەتەلۆنیای بەرامبەر ئیسپانیۆل بە ئەنجامی 4-1 بردەوە، لە چوارچێوەی گەڕی 31ـی لالیگا بەڕێوەچوو.
بارسێلۆنا زوو دەستی بە گۆڵکردن کرد و لە خولەکی 9ـدا لە رێگەی فێران تۆرێسەوە پێشکەوت، پاشان هەمان یاریزان لە خولەکی 25ـدا گۆڵی دووەمی خۆی و تیپەکەی تۆمارکرد.
ئیسپانیۆل لە خولەکی 56ـدا لە رێگەی پۆڵ لۆزانۆوە گۆڵێکی تۆمارکرد، بەڵام ئەستێرە لاوەکە لامین یامال لە خولەکی 87 گۆڵی سێیەمی بۆ بارسێلۆنا کرد. لە کۆتایییەکانی یارییەکە و لە خولەکی 89ـدا، مارکۆس راشفۆرد گۆڵی چوارەمی تۆمارکرد و سەرکەوتنەکەی مسۆگەر کرد.
ئەم یارییە گەڕانەوەی فرێنکی دی یۆنگی بۆ نێو یاریگاکان بەخۆوە بینی، کە هەواڵێکی دڵخۆشکەر بوو بۆ هاندەرانی یانەکە.
بابەتی پەیوەندیدار
وەرزش 29/04/2026
ئێنریکێ: هاوشێوەی یاریزانەکان ماندوو بووم
وەرزش 29/04/2026
شەوە شێتانەکەی چامپیۆنزلیگ؛ پاریس بردیەوە، بەڵام بایرن هیوای لەدەست نەداوە
دوای کۆتایی هاتنی یارییەکەش، هانزی فلیک، راهێنەری بارسێلۆنا، دڵنیاییدا و رایگەیاند کە جێرارد مارتن سەلامەتە و هیچ کێشەیەکی نییە و بۆ یاریی داهاتوو بەرامبەر ئاتلێتیکۆ مەدرید ئامادە دەبێت.
بەم سەرکەوتنە، بارسێلۆنا بە راهێنەرایەتی هانزی فلیک پێگەی خۆی لە پێشەنگی ریزبەندی بە 79 خاڵ بەهێزتر کرد، بە جیاوازی 9 خاڵ لەگەڵ ریال مەدریدی رکابەری کە لە پلەی دووەمە، ئەمەش لە کاتێکدایە تەنیا 7 گەڕ بۆ کۆتایی خولەکە ماوە.
بارسێلۆنا ئێستا زۆر نزیکە لە بەدەستهێنانی نازناوی لالیگا و تەنیا پێویستی بە 4 سەرکەوتنی یەکلەدواییەک هەیە، کە یەکێکیان یارییە چارەنووسسازەکەی بەرامبەر ریال مەدرید دەبێت لە 10ـی مانگی 5ـی داهاتوو.