رووداو دیجیتاڵ
سەرچاوەکان ئاشکرایان کردووە، بەرپرسانی یانەی لیڤەرپوول لە ناوخۆی یانەکەدا، دۆمینیک سۆبۆسلایان وەک جێگرەوەی درێژخایەنی محەممەد سەڵاح دەستنیشان کردووە.
بەرپرسە باڵاکانی یانەی لیڤەرپوول رۆژ بە رۆژ زیاتر سەرسام دەبن بە گەشەسەندنی سۆبۆسلای لەم وەرزەدا، ئەو یاریزانە چ لە رووی ئاستی یاریکردن و چ لە رووی خەسڵەتەکانی سەرکردایەتییەوە بەشێوەیەکی زۆرباش بەرەوپێشچووە، یاریزانە هەنگارییەکە سەرەڕای ئەوەی لە شوێنی جیاواز یاریکردووە و هەندێک یاری تاکی بەرگری بووە، توانیویەتی لە 18 گۆڵ بەشداربێت تاوەکو ئێستا لەم وەرزەدا.
محەممەد سەڵاح هێشتا وەک هێزێکی یەکلاکەرەوە و سەرکردەی یانەی لیڤەرپوول لە ئانفێڵد بەردەوامە، بەڵام بەڕێوەبەرانی یانەکە لەپشت پەردەوە پلاندانانی ستراتیژیان دەستپێکردووە و دەیانەوێت شوێنگرەوەیەکی بۆ ئامادەبکەن.
بڕیاردەرانی یانەکە سەرسامن بە جێگیریی ئاستی سۆبۆسلای لە یارییە سەختەکاندا، زیرەکیی تاکتیکی و کاریگەرییە گەشەسەندووەکەی لەناو ژووری جلگۆڕینی یاریزانان، توانای ئەو یاریزانە لە رێکخستنی یاریکردن و ئەقڵییەتی رکابەریکردن، ئەو باوەڕەی بەهێزتر کردووە کە دەتوانێت لە ساڵانی داهاتوودا بەرپرسیارێتیی گەورەتر بگرێتە ئەستۆ.
بابەتی پەیوەندیدار
وەرزش 29/04/2026
ئێنریکێ: هاوشێوەی یاریزانەکان ماندوو بووم
وەرزش 29/04/2026
شەوە شێتانەکەی چامپیۆنزلیگ؛ پاریس بردیەوە، بەڵام بایرن هیوای لەدەست نەداوە
دەگوترێت پلانی درێژخایەنی لیڤەرپوول بۆ پێکهاتەی یانەکە گۆڕانکارییەکی ریشەیی لەخۆدەگرێت، ئەوان دەیانەوێت نوێگەرییەکی زۆر لە تیپەکە و شێوازی یاریکردنی بکەن، هێڵی بەرگری یانەکە خۆی بۆ ماوەی دوای رۆیشتنی ڤاندایک ئامادەدەکات، بەڵام فۆکەسی سەرەکییان لەسەر هێڵی پێشەوەیە و دەیانەوێت بەشێوەیەکی زۆر تۆکمە بۆ وەرزی داهاتوو ئامادە بێت و سۆبۆسلای وەک چەقی ناسنامەی هێرشبەریی تیپەکە جێگیر بێت.
مەبەست لەم پلانە گۆڕینی دەستبەجێی رۆڵی سەڵاح نییە، بەڵکو گواستنەوەیەکی ورد و پلان بۆ داڕێژراوە کە رێگە بە سۆبۆسلای دەدات گەشە بکات بۆ ئەوەی ببێتە سەرکردەی یەکەمی یانەکە لەناو یاریگادا.
مێژووی سەڵاح لە لیڤەرپوول دوای ساڵانێک لە بەرهەمی نایاب و کاریگەریی گۆڕانکاری، لە یانەکە چەسپاوە، بەڵام کاتێک یانەکە خۆی بۆ سەردەمی داهاتوو ئامادە دەکات، متمانەی ناوخۆیی بە تواناکانی سۆبۆسلای بۆ بوون بە رووکاری ئەو پڕۆژەیە بەردەوام لە گەشەکردندایە.