ئامەدسپۆر بۆ یارییەکی مێژوویی لە باندرمەیە

یانەی ئامەدسپۆر لەم وەرزەی خولی پلە یەکی تورکیا لە پلەی دووەمی ریزبەندی خولەکەیە و خاوەنی 72 خاڵە، بە جیاوازیی دوو خاڵ لە پێش یانەی ئێرۆکسپۆرە.

سێ گەڕ ماون یارییەکانی ئەم وەرزەی خولی پلە یەکی تورکیا کۆتایی دێن، ئامەدسپۆر بە دوو بردنەوە و یەکسانبوون بەبێ گەڕانەوە بۆ رکابەرەکانی وەرزی داهاتوو لە سوپەرلیگ یاریی دەکات.

یارییەکە بۆ ئێمبای دیانێ، هێرشبەر و گۆڵکاری یانەی ئامەدسپۆر هەلێکە بۆ ئەوەی ریکۆردی تۆمارکردنی زۆرترین گۆڵ لە خولەکەدا لە وەرزێکدا یەکسانبکاتەوە، لەکاتێکدا ئێستا خاوەنی 28 گۆڵە و تەنیا یەک گۆڵی ماوە بۆ ئەوەی ریکۆردی مارکۆ پایخاو، یاریزانی پێشووی یانەی ئاڵتای یەکسان بکاتەوە، کە لە وەرزێکدا 29 گۆڵی بۆ یانەکە تۆمارکردبوو.

ئامەدسپۆر جگە لەم یارییە دوو یاریی دیکەی دەمێنێت، بەرامبەر یانەکانی بۆدروم لە یاریگەی خۆی و بەرامبەر یانەی ئیدر لە دەرەوەی یاریگەی خۆی یاریی دەکات.