رووداو دیجیتاڵ
وەزارەتی گەنجینەی ئەمریکا رایگەیاند، کورتهێنانی بودجەی فیدراڵی لە مانگی ئاداردا بۆ 164 ملیار دۆلار بەرزبووەتەوە، بەوەش بەراورد بە هەمان مانگی ساڵی رابردوو 4 ملیار دۆلار، واتە 2%، زیادیکردووە.
بەگوێرەی راگەیێندراوی وەزارەتەکە، هۆکاری سەرەکیی ئەم بەرزبوونەوەیە بۆ لێخۆشبوون لە باجە نوێیەکان لەسەر هاووڵاتییان و کۆمپانیاکان دەگەڕێتەوە.
بەپێی وەزارەتەکە، خەرجیی سەربازی و بەرگریش بە رێژەی 3%، یاخود 2 ملیار دۆلار، زیادبوون و لە مانگی رابردوودا گەیشتوونەتە 65 ملیار دۆلار، ئەوەش بەهۆی شەڕی ئێرانەوە.
بابەتی پەیوەندیدار
ئابووری29/04/2026
میرشایمەر: ئێران هەرگیز سازش لەسەر تەنگەى هورمز ناکات
ئابووری29/04/2026
نرخی دۆلار 169 هەزار تمەنی تێپەڕاند
وەزارەتی گەنجینە رایگەیاندووە، "ژمارەیەک لە خەرجییەکانی پەیوەست بە شەڕ، وەک نوێکردنەوەی کۆگاکانی چەک، هێشتا دەرنەکەوتوون و لە مانگەکانی داهاتوودا دەردەکەون."
لە لایەکی دیکەوە، داهاتی گومرگ لە مانگی ئاداردا کەمیکردووە، ئەمەش دوای بڕیاری دادگای باڵای ئەمریکا بۆ هەڵوەشاندنەوەی ئەو باجە گومرگییە فراوانانەی دۆناڵد ترەمپ، سەرۆکی ئەمریکا بەپێی یاسای باری لەناکاو سەپاندبوونی.