رووداو دیجیتاڵ
نرخی زێڕ ئەمڕۆ سێشەممە لە دوای کردنەوەی بازاڕەکانی ئاسیا نەیتوانی ئاستی 4800 دۆلار بپارێزێت و دابەزی بۆ نزیکەی 4780 دۆلار. بەهێزبوونی دۆلار هۆکاری سەرەکیی دابەزینی نرخی زێڕە.
وەبەرهێنەر و بازرگانان چاوەڕێن بزانن ئایا کۆبوونەوەی نێوان ئێران و ئەمریکا بۆ کۆتایی پێهێنان بە جەنگ بەڕێوەدەچێت یان ئاگربەستەکە درێژەی پێنادرێت و ئەگەری دەستپێکردنەوەی جەنگ هەیە.
نرخی زێڕ دوێنێ تاوەکو 4733 دۆلاریش دابەزی کە کەمترین ئاستی بوو لە دوای راگەیاندنی ئاگربەستی نێوان ئەمریکا و ئێران.
نرخی زێڕ لە گرێبەستەکانی داهاتوودا بۆ رادەستکردنی لە مانگی شەش بە نزیکەی 4830 دۆلار مامەڵەی پێوەدەکرێت.
بابەتی پەیوەندیدار
ئابووری29/04/2026
میرشایمەر: ئێران هەرگیز سازش لەسەر تەنگەى هورمز ناکات
ئابووری29/04/2026
نرخی دۆلار 169 هەزار تمەنی تێپەڕاند
کایل رۆدا، شرۆڤەکاری سەر بە کۆمپانیای راوێژکاریی (کەپیتاڵ دۆت کۆم) لەو بارەیەوە رایگەیاند: "وەبەرهێنەران چاوەڕێن بزانن ئایا کۆبوونەوەکەی ئیسلام ئاباد دەکرێت. پاشان ئەگەر کۆبوونەوەکە کرا ئاگربەست درێژەی پێدەدرێت و رێککەوتن بۆ کۆتایی پێهێنانی جەنگەکە دەکرێت."
رۆدا دەڵێت ئەگەر ئەو شتانە رووبدەن و ئاشتی بێتە ئاراوە پاڵپشتی بۆ نرخی زێڕ دروست دەبێت بەهۆی ئەوەی نرخی نەوت روو لە دابەزین دەکات و هەڵاوسان لە کۆنترۆڵ دەرناچێت.
ئەو شرۆڤەکارە پێیوایە، تاوەکو جەنگەکە کۆتایی پێنەیەت بازاڕی زێڕ بە ناجێگیری دەمێنێتەوە.