رووداو دیجیتاڵ
ئەمڕۆ سێشەممە نرخی نەوت رووی لە دابەزین کردەوە و بەشێک لە قازانجەکانی رۆژی رابردووی خۆی لەدەستدا.
بازرگانان گرەویان لەسەر بەڕێوەچوونی کۆبوونەوەی نێوان ئێران و ئەمریکا کردووە لە پاکستان و چاوەڕێن کۆتایی پێهێنان بە شەڕ ببێتە هۆکار بۆ ئازادبوونی ئەو نەوتە لە کەنداو گیری خواردووە.
لە دوای کردنەوەی بازاڕەکانی ئاسیا، نرخی یەک بەرمیل نەوتی برێنتی دەریای باکوور 54 سەنت دابەزی و بە 94 دۆلار و 94 سەنت مامەڵەی پێوەکرا.
نرخی نەوتی سووکی تەکساسی ئەمریکاش زیاتر لە 1 دۆلار دابەزی و بە 88 دۆلار و 50 سەنت مامەڵەی پێوەدەکرێت.
بابەتی پەیوەندیدار
ئابووری29/04/2026
میرشایمەر: ئێران هەرگیز سازش لەسەر تەنگەى هورمز ناکات
ئابووری29/04/2026
نرخی دۆلار 169 هەزار تمەنی تێپەڕاند
هەر دوو نرخی نەوتی برێنت و سووکی تەکساس رۆژی دووشەممە زیاتر لە 5٪ بەرزبوونەوە بەهۆی ئەو پەرەسەندنە نوێیانەی کە هاتنە ئاراوە بەتایبەتی دەستبەسەرداگرتنی کەشتییەکی ئێرانی لەلایەن هێزی دەریایی ئەمریکا و داخستنەوەی تەنگەی هورمز لەلایەن ئێرانەوە.
هێشتا دیار نییە کە دانوستاندنی نێوان ئێران و ئەمریکا لە ئیسلام ئاباد دەکرێت یان نا، لەبەر ئەوەی ئێرانییەکان بە دیاریکراوی پشتڕاستیان نەکردووەتەوە کە بەشدار دەبن و ئەو هەواڵانەش رەتکرانەوە کە جەی دی ڤانس، جێگری سەرۆکی ئەمریکا بەڕێوەیە بۆ پاکستان.