رووداو دیجیتاڵ
سەرۆکی پەرلەمانی ئێران لە کاتی گەیشتنی بۆ پاکستان بەمەبەستی گفتوگۆ لەگەڵ ئەمریکا، گومانی خۆی لە بەرامبەر واشنتن نیشاندا و رایگەیاند، هەرچەندە بە نیازپاکی چوونەتە نێو دانوستانەکان، بەڵام متمانەیان بە لایەنی ئەمریکی نییە.
رۆژی شەممە، 11ـی نیسانی 2026، محەممەدباقر قالیباف، سەرۆکی پەرلەمانی ئێران، لەکاتی گەیشتنی بۆ فڕۆکەخانەی ئیسلامئاباد بە میدیای فەرمیی وڵاتەکەی راگەیاند: "ئێمە نیازپاکیمان هەیە، بەڵام متمانەمان نییە."
قالیباف ئاماژەی بەوە کرد، وڵاتەکەی ئامادەیە بۆ رێککەوتن ئەگەر لایەنی بەرامبەر جیدی بێت و گوتی: "ئەگەر ئەمریکا بۆ رێککەوتنێکی راستەقینە ئامادە بێت، ئەوا ئێران دەتوانێت ئامادە بێت.
بابەتی پەیوەندیدار
"
سەبارەت بە مێژووی دانوستانەکانی نێوان هەردوو وڵات، قالیباف کە سەرۆکی تیمی دانوستانکاری ئێرانە بەرامبەر ئەمریکا، رەخنەی لە هەڵوێستەکانی پێشووی واشنتن گرت و رایگەیاند: "بەداخەوە، ئەزموونی ئێمە لە دانوستاندن لەگەڵ ئەمریکییەکان، هەمیشە بە شکستهێنان و پێشێلکردنی بەڵێنەکان کۆتایی هاتووە."
بڕیارە ئەمڕۆ لە ئیسلامئابادی پایتەختی پاکستان، دانوستاندن لە نێوان شاندی تاران و واشنتن بەڕێوەبچێت، ئەمەش لەکاتێکدایە لە دوای نزیکەی 40 رۆژ پێکدادان، ئاگربەستێکی دوو هەفتەیی لەنێوان هەردوو راگەیێندراوە.