رووداو - تەندروستی
کۆمەڵەی مانگی سووری ئێران رایدەگەیێنێت، یەکێک لە ئۆتۆمبێلەکانی فریاگوزاریی سەر بە کۆمەڵەکەیان لە پارێزگای فارس کراوەتە ئامانج و بەهۆیەوە ئۆتۆمبێلەکە بەتەواوی تێکشکاوە، بەڵام تیمی تەندروستیی سەلامەتن.
کۆمەڵەی مانگی سووری ئێران ئاماژە بەوەدەکات رووداوەکە کاژێر 5:00ـی بەرەبەیانی روویداوە، کاتێک تیمێکی فریاگوزاریی مانگی سوور لە شارۆچکەی سپیدان بۆ ئەرکێکی بەهاناوەچوون رەوانەی ناوچەی کمهر کرابوون، تیمە تەندروستییەکە دوای بینینی فڕۆکە جەنگییەکە، ئۆتۆمبێلەکەیان بەجێهێشتووە و زیانیان پێنەگەیشتووە.
بابەتی پەیوەندیدار
تەندروستی 28/04/2026
تەندروستیی جیهانی یەکەم چارەسەری مەلاریای بۆ منداڵانی ساوا پەسند کرد
تەندروستی 28/04/2026
پسپۆڕێکی منداڵان: دواخستنی کوتانی منداڵەکانتان مەترسیدارە
کۆمەڵەی مانگی سووری ئێران، رووداوەکە بە تاوانێکی جەنگی ناودەبات و دەڵێت، بەپێی رێککەوتننامەکانی جنێڤ نابێت هێرش بکرێتە سەر ئۆتۆمبێلی فریاکەوتن و تیمە تەندروستییەکان، تەنانەت ئەگەر نەخۆش یان برینداریشیان تێدا نەبێت.
بەگوێرەی ئامارەکانی کۆمەڵەکە، تاوەکو ئێستا 47 ئۆتۆمبێلی فریاکەوتنی مانگی سوور و فریاگوزاریی خێرا زیانیان بەرکەوتووە و چوار کارمەندی تەندروستیش گیانیان لەدەستداوە.