رووداو - تەندروستی
حکومەتی چین زۆرینەی ئەو رێکلامانەی قەدەخەکرد کە راستیی زانستی نایانگرێتەوە و ''چەواشەکاری''ـیان تێدایە. ئەمەش هەنگاوێکە بۆ هۆشیارکردنەوەی خەڵک لە زانیارییە ناڕاستەکان.
دەستەی نیشتمانیی رادیۆ و تەلەڤزیۆنی چین رایدەگەیێنێت، لە کۆتایی مانگی ئاداری رابردووەوە، هەموو ئەو رێکلامە پزیشکییانەیان لابردووە کە بانگەشەی ناڕاست و چەواشەکارانەیان تێدابووە.
بڕیارەکە لە چوارچێوەی هەڵمەتێکی چاودێریدا هات کە لەلایەن دەسەڵاتدارانی چینەوە بۆ رووبەڕووبوونەوەی بڵاوبوونەوەی ئەو رێکلامانە دەستیپێکرد کە پشتیان بە زیادەڕەوی یان بەبازاڕکردنی نادروست بۆ خزمەتگوزاری و بەرهەمە پزیشکییەکان دەبەست.
دەستەکە روونی کردەوە، ئەم رێکارانە لە چوارچێوەی تووندکردنی چاودێریی سەر ناوەڕۆکی میدیاییدا دێن، بۆ دڵنیابوون لە پێشکێشکردنی زانیاریی تەندروستیی باوەڕپێکراو بە هاووڵاتییان، بەتایبەتی لەگەڵ زیادبوونی سکاڵاکان لەسەر ئەو ریکلامانەی بانگەشە بۆ چارەسەری نەسەلمێندراوی زانستی دەکەن.
بابەتی پەیوەندیدار
تەندروستی 28/04/2026
تەندروستیی جیهانی یەکەم چارەسەری مەلاریای بۆ منداڵانی ساوا پەسند کرد
تەندروستی 28/04/2026
پسپۆڕێکی منداڵان: دواخستنی کوتانی منداڵەکانتان مەترسیدارە
لە بەرنامەیەکی دکتۆر ئاراس کە تایبەت بوو بە مانگی رەمەزان، باسی ئەو کچەمۆدێل و راگەیاندکارانە دەکرێت کە رێکلام بۆ بەرهەمێک دەکەن بێ ئەوە بزانن چی تێدایە و چ کاریگەرییەکی هەیە!