توێژینەوەیەک: خۆراکی رووەکی تەندروستیی گورچیلەکان باشتر دەکات

هاوکات توێژینەوەیەک نیشانەیەکی چاوەڕواننەکراو بۆ نەخۆشیی گورچیلە ئاشکرا دەکات؛ توێژینەوەیەکی ئەمریکا ئاماژە بەوەدەکات  نیشانەیەکی بایۆلۆجیی نوێی لە خوێندا دۆزیوەتەوە کە دەکرێت زووتر لەوەی پێشبینی دەکرا، کێشەکانی دڵ و لوولەکانی خوێن لە کەسانی تووشبوو بە نەخۆشیی درێژخایەنی گورچیلە دەستنیشان بکات.

توێژینەوەکە لەزانکۆی تەکساس لە ئەمریکا  لەسەر ئەو نەخۆشانە کراوە کە قۆناخی مامناوەندی نەخۆشیی درێژخایەنی گورچیلەیان هەیە (قۆناخی 3)، چونکە لەم قۆناخەدا هێشتا دەرفەت هەیە بۆ رێگریکردن لەو کێشە دڵ و لوولە خوێنانەی کە لەگەڵ پێشکەوتنی نەخۆشییەکەدا دروست دەبن، دەرەنجامەکان دەریانخستووە کە بەرزبوونەوەی ئاستی SDMA، نەک ADMA، پەیوەندی بە لاوازبوونی فرمانی لوولەکانی خوێنەوە هەیە. ئەمەش واتای ئەوەیە کە SDMA دەکرێت یارمەتیدەر بێت لە دەستنیشانکردنی زووەختەی ئەو نەخۆشانەی لە مەترسیدان، رەنگە تەنانەت پێش ئەوەی پێویستییان بە شوشتنی گورچیلە (dialysis) ببێت.

د. پۆڵ جەی فادێل، سەرپەرشتیاری توێژینەوەکە، رایگەیاند، "بنەمای سەرەکیی توێژینەوەکە ئەوەیە کە ئەو کەسانەی نەخۆشیی درێژخایەنی گورچیلەیان هەیە، بەهۆی کێشەی گورچیلەکانیانەوە نامرن، بەڵکو بەهۆی نەخۆشییەکانی دڵ و لوولەکانی خوێنەوە گیان لەدەستدەدەن."