رووداو - تەندروستی
تیمێکی پزیشکیی پسپۆڕ لە نەخۆشخانەی گشتیی موسڵ، توانییان ژیانی منداڵێکی تەمەن 6 ساڵان رزگار بکەن.
بەڕێوەبەرایەتیی نەخۆشخانەی گشتیی موسڵ رایگەیاند، منداڵێک هێنراوەتە نەخۆشخانەکەیان کە بەهۆی گەستنی سەگەوە تووشی برینێکی سەخت لە دەموچاو و سەریدا ببوو،بووەتە هۆی لەتبوون و شێواویی ماسولکەکانی سەر و دەموچاوی منداڵەکە، هەروەها زیان بەر شانەکانی دەوری چاوی چەپ و رژێنی فرمێسکی کەوتووە.
بابەتی پەیوەندیدار
تەندروستی 28/04/2026
تەندروستیی جیهانی یەکەم چارەسەری مەلاریای بۆ منداڵانی ساوا پەسند کرد
تەندروستی 28/04/2026
پسپۆڕێکی منداڵان: دواخستنی کوتانی منداڵەکانتان مەترسیدارە
بەگوێرەی راگەیێندراوی نەخۆشخانەکە، منداڵەکە بەپەلە گەیێندراوەتە هۆڵی نەشتەرگەری و لەلایەن تیمێکی پزیشکیی پسپۆڕەوە نەشتەرگەرییەکی بۆ کراوە کە پاککردنەوەی تەواوەتیی برینەکان، دووبارە دروستکردنەوەی ماسولکە و پێستی سەر و شانەکانی دەموچاو، هەروەها چاککردنەوەی رژێنی فرمێسک و دووبارە بنیاتنانەوەی برۆی لەخۆگرتووە.
نەخۆشخانەی گشتیی موسڵ جەختی لەوە کردەوە کە "نەشتەرگەرییەکە بە سەرکەوتووبوو و ئێستا تەندروستیی منداڵەکە جێگیرە."