لە 38 رۆژدا 5533 هێرش کراوەتە سەر وڵاتانی کەنداو؛ نیوەیان بۆسەر ئیمارات بوون

رووداو دیجیتاڵ

بەگوێرەی ئەو ئامارەی وەزارەتەکانی بەرگریی سعودیە، کوێت، ئیمارات، بەحرێن، عومان و قەتەر لە 28ی شوبات تاوەکو 6ى نیسانی 2026 بڵاوی کردوونەتەوە، لەو ماوەیەدا کۆماری ئیسلامیی ئێران 5533 هێرشی بە درۆن و مووشەک کردووەتە سەر چەند شوێنێکی ئەو وڵاتانە کە 49.7%یان ئیماراتیان کردووەتە ئامانج.

لە 38 رۆژی جەنگ و لەو 5533 هێرشە بۆ سەر شەش وڵاتی کەنداو، 4940ـیان بە درۆن کراون. 49.4%ی ئەو درۆنانە ئاراستەی ئیمارات کراون کە 2210 درۆن بوون.

هێرشەکانی کۆماری ئیسلامیی ئێران، شەش وڵاتی کەنداوی گرتووەتەوە کە بریتین لە سعودیە، ئیمارات، قەتەر، عومان، بەحرێن و کوێت.

سعودیە لە ریزبەندیی دووەم بووە لە زۆرترین هێرشی درۆن کە 812 درۆنی ئاراستە کراوە. کوێت لە ریزبەندیی سێیەمە بە 740 درۆن. کەمترین پشکی ئەو هێرشانە بە درۆن بۆسەر عومان بووە کە تەنیا نۆ درۆن بوون.

لە 28ی شوباتەوە کە جەنگی ئێران لەگەڵ ئەمریکا و ئیسرائیل دەستی پێکردووە، بە 1266 مووشەک هێرش کراوەتە سەر ئەو وڵاتانەی کەنداو.

زۆرترین هێرشی مووشەکی کراوەتە سەر ئیمارات کە 545 هێرش بووە و 43%ی هێرشەکانە. کوێت لە ریزبەندیی دووەمدایە کە زۆرترین هێرشی مووشەکی کراوەتە سەری کە 349 هێرش بووە و 27.5%ی هێرشە مووشەکییەکان بووە.

لەو هێرشە مووشەکییانە بۆ سەر کوێت، ئیمارات، سعودیە و قەتەر، 1021یان لە رێگەی مووشەکی بالیستییەوە بووە، 519 هێرشیان بۆسەر ئیمارات کراون و 50.8%ی هێرش بە مووشەکە بالیستییەکان بوون.

لە 38 رۆژدا 5533 هێرش کراوەتە سەر وڵاتانی کەنداو؛ نیوەیان بۆسەر ئیمارات بوون

سێنتکۆم: هێزە دەریاییەکانی ئەمریکا کەشتییەکی بازرگانییان لە دەریای عەرەب پشکنی

حەمید رەزا غوڵامزادە: بەرپرسانی هەرێمی کوردستان بەرپرسیارانە مامەڵەیان کردووە

نەتەنیاهوو لەسەر دۆسیەی گەندەڵی دەچێتە دادگە

بابەتی پەیوەندیدار

سێنتکۆم: هێزە دەریاییەکانی ئەمریکا کەشتییەکی بازرگانییان لە دەریای عەرەب پشکنی

حەمید رەزا غوڵامزادە: بەرپرسانی هەرێمی کوردستان بەرپرسیارانە مامەڵەیان کردووە