رووداو دیجیتاڵ
ئاژانسی فارس بڵاویکردووەتەوە، کە بەپێی زانیارییەکانی سیستمی چاودێریی هاتووچۆی دەریایی، تەنگەی هورمز بە ڕووی کەشتییەکان دا داخراوە و یەکەمین نەوتهەڵگر دوای نزیکبوونەوە لە تەنگەکە، ناچار بووە ئاراستەی جووڵەکەی بگۆڕێت و بگەڕێتەوە نێو کەنداو.
بە گوێرەی ئەو ئاژانسە ئێرانییە داتاکانی رادارە دەریاییەکان ئاشکرای دەکەن، نەوتهەڵگری (AUROURA) کە بەرەو دەریای عومان و دەرەوەی تەنگەی هورمز لە جووڵەدا بوو، لە نزیک کەناراوەکانی "موسەندەم" (ناوچەی خەسب) بە شێوەیەکی کتوپڕ 180 پلە خولاوەتەوە و بەرەو قوڵایی کەنداوی عەرەبی گەڕاوەتەوە.
بابەتی پەیوەندیدار
رۆژهەڵاتی نێوەڕاست28/04/2026
سێنتکۆم: هێزە دەریاییەکانی ئەمریکا کەشتییەکی بازرگانییان لە دەریای عەرەب پشکنی
رۆژهەڵاتی نێوەڕاست28/04/2026
حەمید رەزا غوڵامزادە: بەرپرسانی هەرێمی کوردستان بەرپرسیارانە مامەڵەیان کردووە
ئەم گۆڕینی رێڕەوە لە یەکێک لە هەستیارترین خاڵە نێودەوڵەتییەکان دا روویداوە، کە ناوچەی نێوان دوورگەی "لارک" و نیمچەدوورگەی "موسەندەم"ـە. ئەم شوێنە بەهۆی بایەخە جیۆپۆلیتیکییەکەی و تێپەڕبوونی زۆرترین کەشتیی گواستنەوەی وزە تێیدا، بە یەکێک لە گرنگترین رێڕەوە ئاوییەکانی جیهان دادەنرێت.
داخستنی تەنگەی هورمز و گەڕانەوەی نەوتهەڵگرەکان، ترسی لای کۆمپانیاکانی وزە دروستکردووە و چاوەڕوان دەکرێت کاریگەریی خێرای لەسەر نرخەکانی نەوت و بازاڕی وزە لە جیهان دا هەبێت.