رووداو دیجیتاڵ
هاوپەیمانیی چوارچێوەی هاوئاهەنگی سەرکۆنەى هێرشکردنە سەر هێزە ئەمنییەکان و حەشدی شەعبی دەکات و بە گرنگی دەزانێت دامەزراوە ئەمنییەکان بپارێزرێن و پشتیوانی بکرێن بۆ ئەوەی ئەرکەکانیان جێبەجێ بکەن. چوارچێوەی هاوئاهەنگی لەبارەى هێرشکرنەسەر نێردە دبلۆماسییەکانیش پشتیوانیی خۆی بۆ حکومەت دووپات کردەوە بۆ جێبەجێکردنی یاسا و گرتنەبەری رێکاری پێویست بۆ پاراستنیان.
سێشەممە 7ى نیسانى 2026، هاوپەیمانیی چێوەى هاوئاهەنگى راگەیێندراوێکى لەبارەى دۆخى ئەمنیی عێراق و ناوچەکە بڵاوکردەوە.
ئەو هاوپەیمانێتییە کە زۆرینەى لایەنە شیعەکانى عێراق تێێدا بەشدارن، سەرکۆنەی هێرشەکانی سەر ئێرانی کرد و بە پێشهاتێکی مەترسیدار ناوی برد کە هەڕەشە لە ئاسایش و سەقامگیریی ناوچەکە دەکات.
بابەتی پەیوەندیدار
عێراق28/04/2026
عەلی زەیدی چۆن لەنێوان مالیکی و سوودانیدا هەڵبژێردرا؟
عێراق28/04/2026
لە بەغدا 13 ئۆتۆمبێل و چەکێکی زۆری 'ئەبو درع' دەستیان بەسەرداگیرا
ئەو هاوپەیمانێتییە هەروەها سەرکۆنەی هێرشکردنە سەر هێزە ئەمنییەکان و حەشدی شەعبی دەکات و بە گرنگی دەزانێت دامەزراوە ئەمنییەکان بپارێزرێن و پشتیوانی بکرێن بۆ ئەوەی ئەرکەکانیان لە پاراستنی سەقامگیری و ئاسایشدا جێبەجێ بکەن.
لە دواى دەستپێکردنى جەنگى ئێران لەگەڵ ئەمریکا و ئیسرائیل لە 28ى شوباتەوە گرووپە چەکدارەکانى نزیک لە ئێران هێرش دەکەنە سەر نێردە دیپلۆماسییەکان لە عێراق و هەرێمى کوردستان و ئەمریکاش بارەگاکانیان بۆردوومان دەکات.
هاوپەیمانى چوارچێوەى هاوئاهەنگى سەرکۆنەی هێرشکردنە سەر نێردە دیپلۆماسییەکان دەکات و پشتیوانیی خۆی بۆ حکومەت دووپات دەکاتەوە بۆ جێبەجێکردنی یاسا و گرتنەبەری رێکاری پێویست بۆ پاراستنیان.