رووداو دیجیتاڵ
ئەو 12 گومانلێکراوەی لە دۆسیەی هێرشەکەی نزیک کۆنسووڵخانەی ئیسرائیل لە ئیستەنبووڵ دەستگیرکران، 9ـیان خرانە زیندانەوە.
پرۆسەی و دادگەیی و لێکۆڵینەوە لەبارەی هێرشی سێ کەس بۆ سەر خاڵێکی پۆلیس لە نزیک کۆنسووڵخانەی ئیسرائیل لە ئیستەنبووڵ بەردەوامە و، رۆژی شەممە 11-4-2026 بریار لەسەر ئەو 12 گومانلیکراوە درا کە درابوونە دادگە.
بە بڕیاری دادگە 9 لەو گومانلێکراوانە زیندانی کران و دوو کەسیان بە مەرجی دادوەری ئازادکران. کەسێکیشیان دوای ئوەی گوتەی لی وەرگیرا، بێ مەرج ئازاد کرا.
سەرۆکایەتیی داواکاری گشتیی ئیستەنبووڵ لە لێکۆڵینەوەکانی لەبارەی ئەو هێرشە بەردەوامە.
بابەتی پەیوەندیدار
عێراق28/04/2026
عەلی زەیدی چۆن لەنێوان مالیکی و سوودانیدا هەڵبژێردرا؟
عێراق28/04/2026
لە بەغدا 13 ئۆتۆمبێل و چەکێکی زۆری 'ئەبو درع' دەستیان بەسەرداگیرا
ئەو 12 کەسە کە وەکو گومانلیکراو دەستگیرکرابوون، زووتر پشکنینیان بۆ کرابوو و رەوانەی دادگە کران.
نیوەڕۆی 7ی نیسانی 2026 لە ناوچەی بێشیکتاشی ئیستەنبووڵ، کە باڵەخانەی کۆنسووڵخانەی ئیسرائیلیشی لێیە، سێ کەس هێرشیان کردە سەر خاڵێکی پۆلیس و شەڕەتەقە دروست بوو.
لە ئاکامدا یەکیک لە هێرشکارەکان کوژرا و دووەکەی دیکە بە برینداری کەوتنە دەستی پۆلیس. هەروەها دوو پۆلیسی تورکیاش بریندار بوون.
ئەو دوو هێرشکارەی بریندار بوون بەناوەکانی ئۆنور چەلیک و ئینەس چەلیک، لە نەخۆشخانە لەژێر چاودێریی پزیشکیدان.